ملحوظة : الكلام ليس غرضه التعميم أو التخصيص أو التلقين . هى مجرد تجارب .
- احنا ما بنعرفش نقبل ابداع حد و هو بيعمل عكسه ف الحياة لأننا بنيقى محتاجين حد نمشى وراه . حد نبقى عارفين إنه قادر يعيش بكل الأحلام و الأفكار و الأمل اللى بيزرعه جوانا بفنه ده فى حياته الطبيعية بكل التحديات اللى فيها . بيخلينا نحس إننا نقدر نعمل زيه ما دام قدر . عشان كده بتيجى الصدمة لما تلاقيه بيخالف اللى انت متوقعه منه ( مع الوضع فى الاعتبار إن اللى انت شايفه صح أو بديهى مش شرط يكون كده فعلا ) . لأنه بيأكدلك الشك اللى كان جواك إن كل الفن اللى بتشوفه و تسمعه و تحسه مجرد كلام على ورق و مش قابل للتنفيذ .
- إنك تبقى عايز تدخل كلية معينة و الكل ضدك و يوم ما ترضخ و رغم ضيقك فى جزء منك جوا مرتاح إنك ما دخلتش اللى كان نفسك فيه عشان لسه مش عارف تتحمل المسئولية الكاملة و تبعيات قرارك ، عشان مش عارف لسه تلاقى الراحة و الاقتناع الكامل بفكرتك و الكل ضدك ، عشان مش عارف توفر لنفسك الدعم و الأمان اللى بتحسه و انت بتنفذ كلامهم عشان ما تعيش و الكل بيعايرك لو فشلت . كلمة ( مش كنت سمعت كلامنا ) مرعبة . فكرة إن حياتك كان ممكن تبقى مختلفة تماما لو سمعت كلامهم ده مجرد خيال .
- إنك بتحب أوى لما بوست ليك ع الفيس ياخد لايك كتير . جواك مبسوط إن الناس متفقة معاك . و بتضايق جدا لما محدش يعبرك فى بوست بيحمل فكرة جديدة أو قرار مهم هتعمله أو مبدأ جديد هتعيش بيه . بتخاف لأن اختلافك عنهم هيفقدك الدعم و الأمان اللى بتحس بيه وسط الجموع
__ __
There's no right answer in life . No one knows if they will be happy by getting married to someone . Don't look for answers . Right and wrong answers co-exist in every decision . Wise people make a choice and make it the right answer . Foolish people regret the decision and make it the wrong decision .There's no right answer in life . There's only the process to make it the right answer
( from : Eight words by Park Woong hyun )
ليست هناك تعليقات:
إرسال تعليق